Pronat, Alibeaj rrëzon ligjin e qeverisë

Fejzi Braushi

Deputeti Enkeled Alibeaj “rrëzon” qeverinë për ligjin e pronave. I caktuar nga komisioni i Ligjeve si relator i projektligjit të propozuar nga qeveria për disa ndryshime në ligjin bazë të kthimit dhe kompensimit të pronave, Alibeaj në analizën e vet thuajse ka hedhur poshtë të gjitha propozimet e ardhura, teksa ka hedhur dyshime se me to lihet vend për abuzime dhe mosrespektim të normave ligjore ekzistuese. Ndërkohë që gjatë mbledhjes së djeshme të komisionit të Ligjeve, ku ka nisur diskutimi i këtij drafti, këshilltari huaj i ministrit të Drejtësisë për çështjen e pronës, Juris Avontis, deklaroi se në bazë të metodikës aktuale të llogaritjes së vlerës së pronës, rezulton se toka në qytete të vogla si Kukësi rezultojnë më të shtrenjta edhe se në vende të tilla si Belgjika dhe Danimarka.

Komisioni

Pa praninë e kryetarit Ilir Rusmali dhe nën drejtimin e nënkryetarit Fatmir Xhafaj, komisioni i Ligjeve ka marrë në shqyrtim dje projektligjin e hartuar nga Ministria e Drejtësisë dhe paraqitur nga qeveria për disa ndryshime në ligjin “Për kthimin dhe kompensimin e pronave”. Fillimisht ka qenë përfaqësuesja e Ministrisë së Drejtësisë, Elona Syla, ajo që ka bërë një prezantim telegrafik të nismës, duke evidentuar se ajo synon tre objektiva: shtyrjen e afatit të shqyrtimit të kërkesave nga AKKP, hartimin e një metodologjie të re për hartën e çmimit të pronave, si dhe krijimin e një drejtorie të veçantë koordinuese për këtë problem. Por ndryshe nga sa paraqitej në draft, përfaqësuesja e Ministrisë së Drejtësisë bëri të ditur se shtyrja e afatit nuk do ishte më deri më 30 prill të 2013-s, por deri më 30 prill të 2014-s. Por ndërsa nisma në fjalë pritej që të sillte reagimin kundërshtues të opozitës, ajo ka ardhur para kohe dhe në mënyrë gati të papritur nga relatori i caktuar nga komisioni për këtë projektligj, deputeti Enkelejd Alibeaj. Në një relacion prej 11 faqesh, ai teksa analizonte çdo nen të propozuar nga ekzekutivi, kishte gjetur në secilin prej tyre probleme apo paqartësi të mëdha.

Relacioni

Kështu, sa i përket nenit 1 të projektligjit, Alibeaj ka theksuar se në mënyrën sesi është shkruar lë vend abuzime dhe konfuzion. “Nën formën gjuhësore që janë shkruar dhe pa bërë referenca të sakta dhe strikte kushtetuese apo ligjore lënë shteg për abuzime dhe konfuzion”, – u shpreh Alibeaj, duke lexuar relacionin e vet. E duke mbetur në këtë nen, ai ngriti një sërë vërejtjesh edhe për mënyrën sesi do llogaritet vlera e pronës për hartimin e hartës së re të vlerës së pronave. “Duket sikur vlera e tregut do të jetë një rezultante e tre të dhënave: vlerës së tregut sipas standardeve ndërkombëtare, lloji i pasurisë dhe qëllimi i përdorimit. Në fakt, ka jo vetëm në gjuhë, por edhe në kuptim një përplasje logjike, pasi del që vlera e tregut është ndryshe nga vlera e tregut ndërkombëtar”, – u shpreh më tej Alibeaj. Lidhur me nenin 2, ai ka ngritur shqetësimin për termat e përdorur dhe ka kërkuar sqarim nga përfaqësuesit e ministrisë që të qartësojnë ato pasi, siç u shpreh ai, “krijohet ideja sikur do ketë dy procese të vlerësimit, një për tokën dhe një për objektin ndërtimor. Gjithashtu, ai ka konsideruar pa kuptim që kriteret e vlerësimit të pronës të miratohen me VKM, pasi një gjë të tillë duhet ta bëjë në metodika, e cila, sipas tij, mund të miratohet nga qeveria. “Parashikohet që edhe kriteret për vlerësimin e pronës të miratohen me VKM. Ka sens që metodologjia të përcaktohet me vendim të KM. Tek e fundit ajo disiplinon aktivitetet e nevojshme për zhvillimin e një projekti, si studimi, ideimi, projektimi, realizimi etj. Nuk kuptohet se çfarë është dashur të thuhet më tepër me VKM”, – u shpreh Alibeaj. Ai kritikoi dhe mënyrën sesi është konceptuar në këtë projektligj ngritja e një drejtorie të posaçme në Ministrinë e Drejtësisë për koordinimin e punëve mes institucioneve që trajtojnë problemet e pronave. Sipas tij, praktika e ndjekur nuk është e përshtatshme, qoftë për shkak të teknikës legjislative, ashtu edhe për mënyrën e organizimit të saj në mospërputhje me normat ligjore në fuqi. “Bazuar në të gjitha konsideratat e mësipërme, duket se zgjedhja që paraqet projektligji duket se është jo e përshtatshme”, – tha Alibeaj. Më tej ai shtoi edhe faktin se propozimi i ardhur shkon në kundërshtim me angazhimin e marrë nga Shqipëria në planin e veprimit për zgjidhjen e çështjes së pronave. “Porse nga ajo çfarë është marrë angazhim me atë çfarë projektligji prezanton duket se ka mjaft diferencë duke e bërë në thelb edhe angazhimin të paplotësuar tërësisht”, – thuhet në relacionin e lexuar nga Alibeaj. Në fund komisioni, pasi mori përgjigjet për pyetjet e bëra nga deputetët, vendosi me propozim të 1 të 4 së anëtarëve të tij të thërrasë në seancë dëgjimore dhe grupet e interesit.

http://www.mapo.al/2012/05/01/pronat-alibeaj-rrezpn-ligjin-e-qeverise/

Ein alter Artikel aus 2004, wie diese Gruppe unbekümmert Sprengstoff Anschläge gegen Konkurrenten organisierte

Rreth 200 gr tritol janë hedhur në verandën e hotelit të Besnik Beqajt, pronarit të “Besa Construction”. S’ka viktima

Tritol vëllait të “hasmit” të Dritan Dajtit

Dashamir Biçaku

TIRANE- Eksploziv hotelit të pronarit të “Besa Construction” dhe vëllait të “hasmit” të Dritan Dajtit, Besnik Beqajt. Ngjarja e rëndë ka ndodhur dje rreth orës 15.30 në kryeqytet. Si pasojë e shpërthimit në hotel janë shkaktuar dëme të konsiderueshme por fatmirësisht nuk ka pasur asnjë viktimë. Menjëherë pas ngjarjes, policia ka shoqëruar disa persona por ende nuk është bërë i ditur identiteti i tyre. Pista e parë hetimore e policisë është ajo se atentati me eksploziv mund të jetë vendosur ose planifikuar nga Dritan Dajti, njeriu që është dënuar nga gjykata me 20 vjet burg për vrasjen e vëllait të Besnik Beqajt, Agimit. Lajmi është pohuar dje nga burime të policisë së kryeqytetit, të cilat shtuan se është ende herët për të folur për autorët e kësaj ngjarjeje. Ky veprim ndodh për herë të dytë brenda një harku kohor prej një muaji në të njëjtin objekt.
Shpërthimi

http://www.shekulli.com.al/index.php?page=lajmedite&newsID=98464

aus

http://www.albania.de/alb/index.php?p=549