URL: http://www.balkanweb.com/index.php?id=92376
Vrasjet largojnë presidentin e “Bankers”
(Dërguar më: 26/01/11) Genc Kondi

Vlera e aksioneve të kompanisë kanadeze “Bankers Petroleum Ltd” ka rënë më shumë se pesë për qind ditën e hënë në bursë, pas njoftimeve për vrasjen e tre qytetarëve nga gardistët gjatë një proteste antiqeveritare. Ndërkohë, presidenti i kompanisë është larguar nga Shqipëria. Janë disa gazeta kanadeze, si dhe e përditshmja e bursës së Nju Jorkut që japin këto lajme. Sipas të përditshmes së qytetit Calgary të Kanadasë, ku është regjistruar kompania, e cila ka një marrëveshje hidrokarbure me qeverinë shqiptare për shfrytëzimin e fushave naftëmbajtëse, aksionet janë vlerësuar me ulje 37 cent brenda ditës. Kjo është pasojë e drejtpërdrejtë e frikës së investitorëve se situata e krijuar në vend do të kishte pasoja në investimet e kryera deri tani.
Presidenti
Sipas gazetës, që i referohet një deklarate nga Dough Urch, drejtor financiar i kompanisë, me bazë në Fier, presidenti i saj, Abby Badwi, është larguar nga Shqipëria për në Kanada. “Megjithatë, ne e marrim këtë ngjarje si një incident të izoluar”, ka vijuar drejtori kanadez për gazetën. “Që nga zgjedhjet e kontestuara parlamentare të vitit 2009, ka pasur herë pas here protesta”.
Politika
Ai ka shtuar se “Bankers” ka një marrëveshje me kompaninë shtetërore të naftës për prodhimin e naftës bruto si pasojë e rivënies në punë të puseve të saj ekzistuese dhe, deri tani, politika nuk ka ndërhyrë në punët e saj. “Të dy palët e politikës shqiptare kanë shprehur mbështetje për operacionet e biznesit të kompanisë sonë në Shqipëri dhe kanë pranuar se investimi që kemi bërë ka rritur prodhimin e naftës”, - është shprehur Urch.
Opinioni
Analisti i tregjeve të lëndëve të para Alex Klein, që punon për kompaninë e sigurimeve “Dundee Securities” ka deklaruar dje për agjencinë on-line të bursës së Nju Jorkut “Nasdaq” se “aksionet e kompanisë kanadeze mund të përjetojnë një dobësim të vlerës derisa të stabilizohet situate politike në vend”. “Vendi mbetet një ndër më të varfrit në Evropë dhe taksat që paguan ‘Bankers’ janë një burim shumë i rëndësishëm të ardhurash për qeverinë, pavarësisht nga fakti se kush është në pushtet”, ka thënë ai. Kështu, ai i këshillon operatorët e bursës që të vazhdojnë të blejnë aksione të kësaj kompanie. Aksionet janë rritur nga 5.48 dollarë, në 9.74 dollarë 12 muajt e fundit, pas rritjes së çmimit të naftës dhe arritjes së marrëveshjes me “Albpetrol”-in për shfrytëzimin e puseve. Dje ato zbritën në vlerën 8 dollarë. tregjeve të lëndëve të para Alex Klein, që punon për kompaninë e sigurimeve “Dundee Securities” ka deklaruar dje për agjencinë on-line të bursës së Nju Jorkut “Nasdaq” se “aksionet e kompanisë kanadeze mund të përjetojnë një dobësim të vlerës derisa të stabilizohet situate politike në vend”. “Vendi mbetet një ndër më të varfrit në Evropë dhe taksat që paguan ‘Bankers’ janë një burim shumë i rëndësishëm të ardhurash për qeverinë, pavarësisht nga fakti se kush është në pushtet”, ka thënë ai. Kështu, ai i këshillon operatorët e bursës që të vazhdojnë të blejnë aksione të kësaj kompanie. Aksionet janë rritur nga 5.48 dollarë, në 9.74 dollarë 12 muajt e fundit, pas rritjes së çmimit të naftës dhe arritjes së marrëveshjes me “Albpetrol”-in për shfrytëzimin e puseve. Dje ato zbritën në vlerën 8 dollarë.

http://www.albania.de/alb/index.php?p=2507