Mit Sicherheit erhält Albanien Visa Freiheit, wenn man den Ausführunungen des EU Vize iKommission Präsidenten Jacques Barrot folgt

(Dërguar më: 02/05/09) Zv presidenti i Komisionit Europian deklaron se zhvillimi i zgjedhjeve demokratike dhe lufta kundër cdo forme të krimit janë dy detyrat kryesore të Shqipërisë për për të realizuar objektivin për tu futur në Europë. Ministri i Brendshëm Bujar Nishani raporton te Barrot shifrat konkretë të luftës kundër krimit, procesin e kartave dhe të listave të zgjedhësve

TIRANE-Zv. Presidentin e Komisionit Europian Jacques Barrot, deklaron se se vëmendja e Komisionit Europian për Shqipërinë është përqëndruar te zhvillimi i zgjedhjeve parlamentare të 28 qershorit.

Në takimin që pati sot me Ministrin e Brendshëm Bujar Nishani, Barrot, i cili është përgjegjës edhe për çështjet e drejtësisë dhe sigurisë në Bashkimin Europian theksoi se “zhvillimin i këtyre zgjedhjeve sipas standarteve është momenti për të dëshmuar pjekuri demokratike”- thuhet në njoftimin që Ministria e Brendshme ka shpërndarë për mediat.
Nga ana e tij kreu i këtij dikasteri Bujar Nishani informoi Barrot për përgatitjet e procesit zgjedhor si dhe rolin që do të ketë policia e shtetit në këto zgjedhje.

“Ministri Nishani informoi se që nga muaji Tetor funksionon një regjistër unik elektronik i shtetasve, nga i cili është gjeneruar edhe lista e zgjedhësve katër muaj para datës së zgjedhjeve…. Ministri Nishani informoi edhe mbi procesin e paisjes së qytetarëve me letërnjoftime elektronike ku theksoi se brenda muajit Maj është plotësisht e mundur që të paisen me letërnjoftime të gjithë shtetasit që nuk zotërojnë pasaportën aktuale për udhëtim jashtë shtetit. Ministri i Brendshëm informoi se policia po trajnohet për këtë qëllim dhe roli i saj ka të bëjë vetëm me ruajtjen e rendit dhe sigurisë publike dhe shoqërimin e kutive të votimit” .

Në njoftimin për shtyp të kësaj ministrie thuhet se Nishani i ka prezantuar Barrot shifra konkrete në lidhje me luftën kundër krimit të organizuar, trafiqeve të paligjshme e korrupsionit, si dhe për menaxhimin e integruar të kufirit

“Ministri i Brendshëm informoi mbi goditjen e të gjitha grupeve kriminale dhe vënien e rreth 900 anëtarëve të tyre para drejtësisë, ekstradimin dhe vënien para drejtësisë të rreth 250 personave, goditjen e vazhdueshme dhe uljen e ndjeshme të trafiqeve të drogës dhe qenieve njerëzore, goditjen e korrupsionit, ku tre vitet e fundit numërohen afro 200 të arrestuar, mes tyre edhe të niveleve të larta të shtetit dhe administratës, e po kështu edhe në radhët e policies, ku numërohen rreth 115 të arrestuar për korrupsion”

Zv. Presidenti i Komisionit Europian Z. Jacques Barrot thuhet në njoftim ka inkurajuar luftën kundër të gjitha formave të krimit rezultatet e të cilave do të cojnë në liberalizimin e vizave.

“Ju keni një rol historik Zoti Ministër sepse puna juaj ka të bëjë me imazhin e Shqipërisë, të një Shqipërie që po ndryshon. Konstatoj me kënaqësi se keni kryer një punë të madhe, keni rezultate pozitive dhe i keni gjërat në dorë. Nga ana tjetër rezultatet tuaja përbëjnë edhe argumente të rëndësishme për të mbërritur tek heqja e vizave për qytetarët shqiptarë. Është e rëndësishme gjithashtu t’u shpjegoni shqiptarëve se jeni treguar të rreptë e të ashpër me të gjitha format e kriminalitetit, për të realizuar objektivin për t’i futur në Europë,- u shpreh Zv. Presidenti i Komisionit Europian Z. Jacques Barrot thuhet në njoftimin për shtyp të ministrisë. Në takim ishte i pranishëm edhe kreu i Delegacionit të Komisionit Europian në Tiranë Z. Helmut Lohan. Gjatë ditës së sotme Barrot zhvilloi takim dhe me ministrin e Drejtësisë Enkelejd Alibeaj.

(BalkanWeb)